پښتو: قومی مشر الحاج ملک پردل خان پیاوړی د مرحوم محمد اسماعیل علي خېل ځوی دی چې په کال 1337 ه ش د حمل میاشتې په 15 نیټه یې د ننګرهار ولایت په بهسودو ولسوالۍ کې دې نړۍ ته سترکې پرانیستې دي.

الحاج ملک پردل خان پیاوړی په یوې نسبتا غریبې کورنۍ کې پیدا او د ژوند سخت پړاونه تېر کړي دي. نوموړئ لا لس کلن نه دی چې یتیم کېږي او د کورنۍ د سرپرستۍ دروند بار ته اوګه ورکوي،خو غربت او سخت کار یې د زده کړو او پرمختګ مخه نشي ډب کولی،د هغه وخت ابتدایه دینې زده کړې د کلي په جومات او بیا د ښوونځي د فراغت ویاړ هم اخلي. دا چې په هېواد کې حالات بدلون مومي او ژوند سختېږي،اړ کېږي چې هېواد پرېږدې او له خپلې کورنۍ سره نږدې ګاونډي هېواد پاکستان ته هجرت وکړي. دا چې ملک پردل خان پیاوړی یو ښه مدیر او د قلم خاوند وو نو په هجرت کې هم ورته د ښو دندو او امکاناتو وړاندیزونه وشول چې دده له لوري رد او خپل عادي ژوند ته یې دوام ورکړ. کله چې هېواد له جګړو را اوځي او پر افغانستان جمهوري نظام حاکم کېږي،نوموړی بېرته خپل وطن ته ستنېږي او د خپل خېر رسونې مبارزه دوامداره ساتي. دا چې حاجي صیب یو امین او د خېر سړی وو نو د خپل کلي او ولس له لوري د دوامداره غوښتنو وروسته اړ کېږي چې د ولس غوښتنه ومني او د یادې سیمې د مشرۍ چارې پر مخ بوزي. نوموړی د جمهوریت له پیل تر پاۍ او د خپل ژوند تر اواخرو د ولس په خدمت نه ستړی کېږي او څه باندې 21 کاله د خپل ولس خدمت او مشري کوي. په خدمت نه ستړی کېدونکی دا قومي مشر په کال 1400 ه ش د 11 میاشتې په 17 تاریخ د ورپیښې ناروغۍ له امله له دې فاني نړۍ د تل لپاره سترګې پټوي او موږ د تل لپاره یواځې پرېږدي. روح یې ښاد او پر ګور یې انوار.!

د علي خېل ستر قوم او د ننګرهار ولایت بهسودو ولسوالۍ ولسي سپین ږیري،ځوانان او د ارواښاد د قومي مشرۍ د صف ملګري د ښاغلي الحاج ملک پردل خان پیاوړي نشتون په ولس کې لویه تشه بولي او د خداۍ ج له دربار څخه مرحوم ته د فردوس جنت غوښتنه کوي.